Dispoñible para novos proxectos

Ola, son Xurxo.

Software útil, ben feito e sen fume.

Son desenvolvedor web e de software autónomo en Salvaterra de Miño: fago webs, apps móbiles e de escritorio, bots, scripts e automatizacións para empresas e particulares. Tamén ofrezo asistencia informática en remoto e a domicilio no sur de Galicia. Si, ás veces só había que apagar e acender; pero había que sabelo.

01

Desenvolvemento web

Webs corporativas, landing pages e plataformas a medida

02

Aplicacións móbiles e de escritorio

Android, iOS, Windows, Linux e macOS

03

Soporte e asistencia informática

Equipos, software e soporte técnico

Sobre min

Da primeira idea a un proxecto que funciona de verdade.

5 anos de código Web · móbil · escritorio Empresas · particulares

Levo cinco anos metido nisto: tres traballando e dous formándome e sacando adiante proxectos propios. Cando comecei o ciclo superior xa viña con Node.js, bots de Discord e unhas cantas horas de pelexa acumuladas.

O que máis me gusta é ver como unha idea aparece da nada, colle forma e acaba axudando a unha empresa a medrar. Unha web, unha tenda ou un programa non deberían quedar bonitos no portafolio: deberían servir para algo no mundo real.

Co cliente intento ser igual de claro que co código: se podo facelo, dígoo; se non o sei ou non che compensa, tamén. Explico cada decisión sen tecnicismos e trato empresas e particulares co mesmo coidado. E non paro ata que todo funcione e se vexa como debería. Pixel perfect, ou non durmo tranquilo.

Carreira

Estudos e experiencia profesional.

Da administración de sistemas ao desenvolvemento web, pasando por soporte técnico, e-commerce e axencia. Agora todo iso xúntase no traballo por conta propia; saber por que falla algo tamén axuda bastante a construílo ben.

Novembro de 2026 — actualidade

Experiencia

Desenvolvedor de software e técnico informático autónomo

XurxoMF

Desenvolvo webs, aplicacións móbiles e de escritorio, bots, scripts e solucións a medida. Tamén presto asistencia informática a empresas e particulares, tanto en remoto como a domicilio.

Febreiro de 2026 — outubro de 2026

Experiencia

Técnico informático e desenvolvedor web

Power Natural Life

Creei e mantiven a nova tenda en Shopify e xestionei a conta de Amazon Seller Central. Tras completar a web, tamén participei na preparación de pedidos, etiquetaxe e operativa de almacén.

Decembro de 2023 — xaneiro de 2025

Experiencia

Técnico informático e desenvolvedor web

Atlantic C&C — AC2

Prestei soporte de hardware e software aos clientes da empresa e desenvolvín sitios web con WordPress e React. Traballei a tempo parcial antes de buscar un posto centrado a xornada completa no desenvolvemento web, móbil e de escritorio.

Setembro de 2021 — xuño de 2023

Formación

Técnico superior en Desenvolvemento de Aplicacións Web

IES Pazo da Mercé

Formeime no desenvolvemento de aplicacións web, programación do lado cliente e servidor, bases de datos, despregamento e traballo con control de versións. Durante este tempo tamén me formei no desenvolvemento multiplataforma pola miña conta.

Setembro de 2019 — xuño de 2021

Formación

Técnico en Sistemas Microinformáticos e Redes

IES Pazo da Mercé

Formeime na instalación, configuración e mantemento de equipos, sistemas operativos e redes. Nesa etapa tamén comecei a aprender programación e desenvolvemento web pola miña conta.

Servizos

Como podo axudarche?

Desde unha web que traballe por ti ata un ordenador que decidiu non colaborar. Desenvolvemento, automatización e soporte técnico explicado sen xeroglíficos.

Ver todos os servizos
01
Desenvolvemento web

Webs corporativas, landing pages e plataformas rápidas, accesibles e preparadas para conseguir resultados.

02
Tendas en liña

Comercio electrónico con catálogo, pagamentos e unha xestión diaria que non obrigue a chamar ao técnico por cada cambio.

03
Software a medida

Ferramentas internas, plataformas e integracións creadas arredor do proceso real do teu negocio.

04
Aplicacións móbiles e de escritorio

Aplicacións móbiles e de escritorio para levar un servizo, proceso ou produto ao dispositivo adecuado.

05
Soporte e asistencia informática

Diagnóstico, reparación e asistencia informática en remoto ou a domicilio para empresas e particulares.

06
Mantemento informático

Mantemento preventivo e soporte continuado para que os equipos dunha empresa non vivan sempre no modo urxencia.

Traballo en remoto con clientes de calquera lugar e presto asistencia informática a domicilio en Salvaterra de Miño, Salceda de Caselas, Vigo, O Porriño, Tui, Ponteareas e outras localidades de Galicia. Tanto para empresas como para particulares.

Proxectos

Traballo que fai máis ca quedar bonito.

Webs, aplicacións e ferramentas construídas para resolver problemas reais. Aquí contarei o reto, a solución e o resultado; as siglas poden esperar.

Ver todos os proxectos
Pantalla principal de VS Launcher cunha instalación de Vintage Story preparada para xogar
01
VS Launcher

Un launcher non oficial para instalar e manter varias versións de Vintage Story, separar mundos e mods e protexer cada partida con copias de seguridade.

Captura da páxina principal da documentación de xvelte
02
xvelte

Unha colección persoal de compoñentes, hooks, attachments, estilos e utilidades reutilizables para construír interfaces con SvelteKit.

Escritorio de Gallaecia Dots co tema claro
03
Gallaecia Dots

Dotfiles e un instalador interactivo en galego para preparar Arch Linux como escritorio con Hyprland e Noctalia ou como servidor administrado por terminal.

As catro botellas de Liporca: crema de licor, licor café, licor de herbas e augardente de oruxo
04
Liporca

Web e tenda en liña para unha marca galega de licores, cun tema WordPress a medida, catálogo WooCommerce, dous idiomas e unha experiencia fiel á súa identidade.

Captura da páxina principal de AserGalicia Formación
05
AserGalicia Formación

Web para un centro de formación oficial, cun tema WordPress a medida que organiza cursos, orientación laboral, campus virtual e servizos para empresas.

Portada de Power Natural Life
06
Power Natural Life

Tenda Shopify para importar e distribuír materias primas, desenvolvida e mantida durante a miña etapa en Power Natural Life.

Contacto

Falamos do teu próximo proxecto?

Tes unha idea, unha web que pide unha reforma ou un ordenador que só funciona cando chega o técnico? Cóntamo. Direiche con claridade que se pode facer, canto sentido ten e cal sería o seguinte paso.

Agora mesmo

Dispoñible para proxectos seleccionados, colaboracións e consultas técnicas.

Resposta habitual
1–2 días laborables
Localización
Salvaterra de Miño, Galicia