Tema á medida
O deseño non se encaixou nunha plantilla xenérica: converteuse nun tema propio, responsive e fiel á identidade da marca.
O pracer feito bebida.
Unha marca galega de licores que decidiu falar coa súa xeración sen renunciar ao produto de sempre. A web tiña que facer exactamente o mesmo: vender, contar e non soar ao folleto da casa rural.
WordPress WooCommerce Tema personalizado Multilingüe Responsive
A marca xa tiña voz
Liporca nace para sacar os licores galegos dunha imaxe ancorada no pasado e achegalos a unha xeración nova. Iso pedía unha web visual, directa e irreverente, pero tamén unha tenda clara onde atopar o produto e mercalo sen montar unha xincana.
O traballo de desenvolvemento converteu o deseño de What The Flow nun tema WordPress funcional, adaptable a móbil e preparado para xestionar o catálogo con WooCommerce.

Por baixo da botella
A parte visible mantén o carácter do deseño. A invisible ocúpase do catálogo, das compras, dos idiomas e de todo iso que só se lembra cando falla.
O deseño non se encaixou nunha plantilla xenérica: converteuse nun tema propio, responsive e fiel á identidade da marca.
WooCommerce sostén produtos, cesta, conta e proceso de compra sen romper o percorrido editorial da web.
A experiencia está dispoñible en galego e español, mantendo estrutura, navegación e contidos coordinados.
Control de idade, formulario de contacto, cookies e páxinas legais completan unha web preparada para operar, non só para posar.
Unha experiencia completa
A navegación presenta a historia e os produtos antes de levar á tenda. Conta, cesta e pagamento conviven coa parte editorial, mentres o contacto, o consentimento de cookies e o control de idade pechan os requisitos reais do negocio.
Créditos do proxecto
A identidade visual e o deseño da web son obra de What The Flow, a axencia creativa coa que colaboro. Eu encargueime de converter ese deseño nunha web funcional, responsive e preparada para traballar de verdade. Cada quen co seu; así dá gusto.
Coñecer What The Flow