Servizo Tenda en liña Dispoñible

Tendas en liña

Creo e melloro tendas en liña para que atopar un produto, entendelo, mercalo e xestionar o pedido resulte sinxelo para ambas partes.

Tendas en liña con Shopify, WooCommerce ou desenvolvemento a medida para empresas que necesitan vender sen complicar a compra nin a xestión diaria. Desde Galicia e tamén en remoto.

A compra completa

Cada paso debe quitar fricción.

Unha tenda non é só unha grella de produtos e un botón de pagar. O percorrido debe funcionar antes, durante e despois da compra.

01
Un catálogo que orienta

Categorías, coleccións, filtros e busca pensados segundo como merca a clientela, non segundo a orde interna dunha folla de cálculo.

02
Fichas que resolven dúbidas

Información, variantes, fotografías e contido organizados para entender o produto e decidir sen ter que abrir outra pestana para investigar.

03
Un pagamento sen sorpresas

Métodos de pagamento, envíos, impostos e condicións visibles no momento correcto. O susto final é unha estratexia de abandono de carriño bastante eficaz.

04
Pedidos que se poden xestionar

Estados, avisos, stock, devolucións e operativa diaria preparados para que vender máis non signifique perder o control por detrás.

O punto de partida

Estrear tenda ou poñer orde na que xa existe.

Un proxecto novo permite deseñar a base con calma. Nunha tenda activa hai datos, URLs, clientes e vendas que protexer antes de tocar nada.

01 / Desde cero

Unha tenda nova

Para negocios que van comezar a vender en liña ou necesitan separar a nova tenda dunha web que xa non dá máis de si.

  • Definición do catálogo, variantes e estrutura comercial.
  • Elección da plataforma segundo operación, orzamento e crecemento.
  • Configuración, probas, formación e publicación controlada.

02 / En marcha

Unha tenda que xa vende

Para migrar de plataforma, mellorar unha experiencia con atrancos ou ordenar unha xestión que se foi complicando co tempo.

  • Auditoría do catálogo, datos, integracións e proceso de compra.
  • Migración con redireccións e comprobacións para non perder información.
  • Melloras priorizadas para intervir sen frear a operativa diaria.

Como traballo

Da operación real á primeira compra.

Primeiro reviso como vendes, preparas e envías. A tecnoloxía vén despois, cando xa sabemos que debe resolver.

  1. 01

    Entender o negocio

    Revisamos produtos, marxes, mercados, pagamentos, envíos e quen vai xestionar cada parte da tenda.

  2. 02

    Ordenar catálogo e percorridos

    Defino a estrutura, as fichas, os filtros e o proceso de compra antes de decorar pantallas sen unha base clara.

  3. 03

    Configurar e probar

    Constrúo a tenda e comprobo pagamentos, correos, impostos, envíos, stock e comportamento en móbil con casos reais.

  4. 04

    Publicar e formar

    Preparo o lanzamento, a analítica e a formación para que o equipo poida xestionar produtos e pedidos con autonomía.

Traballo real

Dúas tendas, dous xeitos de vender.

Unha marca cun catálogo coidado e unha tenda Shopify con máis peso operativo. A solución cambia porque o negocio tamén cambia.

As catro botellas de Liporca: crema de licor, licor café, licor de herbas e augardente de oruxo
01
Liporca

Web e tenda en liña para unha marca galega de licores, cun tema WordPress a medida, catálogo WooCommerce, dous idiomas e unha experiencia fiel á súa identidade.

Portada de Power Natural Life
02
Power Natural Life

Tenda Shopify para importar e distribuír materias primas, desenvolvida e mantida durante a miña etapa en Power Natural Life.

Preguntas frecuentes

Dúbidas razoables antes de empezar.

Shopify ou WooCommerce?

Depende do catálogo, do orzamento, das integracións e de quen vai xestionar a tenda. Recomendo a opción que reduza problemas a medio prazo, non a que estea de moda esa semana.

Podes migrar a miña tenda actual?

Si. Reviso produtos, clientes, pedidos, URLs, contido e integracións antes de preparar unha migración con comprobacións e redireccións para non perder información nin posicionamento.

Quen carga os produtos?

Podemos acordar unha carga inicial completa, unha importación ou deixar unha estrutura e formación para que o equipo continúe. Queda definido antes de presupostar.

Pódese conectar con pagamentos, envíos ou facturación?

Si, sempre que o provedor dispoña dunha integración ou API axeitada. Reviso antes as limitacións, os custos externos e que datos se poden sincronizar para non prometer maxia cunha documentación de tres parágrafos.

Inclúes mantemento despois da publicación?

Podo ofrecer mantemento, soporte e melloras continuas, pero non é unha permanencia obrigatoria. A tenda, as contas e os accesos quedan ao teu nome.

Compensa unha tenda para un catálogo pequeno?

Pode compensar, pero depende da marxe, da frecuencia de compra, da loxística e de como chega a clientela. Se unha solución máis sinxela resolve mellor o caso, tamén cho digo antes de construír nada.

Contacto

Falamos do teu próximo proxecto?

Tes unha idea, unha web que pide unha reforma ou un ordenador que só funciona cando chega o técnico? Cóntamo. Direiche con claridade que se pode facer, canto sentido ten e cal sería o seguinte paso.

Agora mesmo

Dispoñible para proxectos seleccionados, colaboracións e consultas técnicas.

Resposta habitual
1–2 días laborables
Localización
Salvaterra de Miño, Galicia