En desenvolvemento Arch Linux Feito en galego

~/dotfiles

Gallaecia Dots

Arch en escritorio ou servidor. En galego. Sen montar outra distribución por riba.

Un conxunto de dotfiles e un instalador interactivo para deixar unha base pequena, actualizable e fácil de facer túa. Porque instalar todo «por se acaso» tamén é unha configuración. Só que peor.

Unha base, dous camiños

O mesmo instalador sabe cando sobra unha pantalla.

O modo escollido persiste no sistema. Cada instalación e actualización aplica só os paquetes, configuracións e categorías que lle corresponden.

01 / Escritorio

Arch para traballar e vivir nel

Hyprland, Noctalia, greetd, portais XDG, multimedia e unha selección de aplicacións escollida durante a instalación. O necesario para empezar; o resto, decisión túa.

  • Interface completa con Noctalia
  • Temas adaptables ao fondo
  • Aplicacións e predeterminadas á carta

02 / Servidor

Arch sen decoración innecesaria

Unha base preparada para terminal e SSH, sen stack gráfico nin paquetes de escritorio. Editor, administración, ficheiros, despregamento e rede, segundo o que escollas.

  • Sen contorno gráfico
  • Ferramentas por categorías
  • Preparado para administrar en remoto
Gallaecia Dots executando actualizacións e seleccionando paquetes desde unha interface de terminal clara
Fluxos interactivos con Gum, sen facerche memorizar unha novela de comandos.

Minimalista e opinionated

Instala unha base. Non decide toda a túa vida.

Gallaecia instala primeiro o esencial e despois deixa escoller as ferramentas que interesan en cada categoría. Os paquetes repetidos instálanse unha soa vez e as aplicacións poden quedar configuradas como predeterminadas.

Só o necesario

O resto segue sendo opcional.

Editable

Arch segue á vista, como debe ser.

Instalación

Un comando abre o asistente.

O instalador prepara os requisitos mínimos, descarga a rama estable e guía a elección do modo, das categorías e das aplicacións.

Terminal
bash <(curl -fsSL https://raw.githubusercontent.com/XurxoMF/gallaecia-dots/release/install.sh)
A rama release é a fonte das instalacións; main queda para o desenvolvemento.

O que sucede por baixo

Unha instalación que lembra o que xa fixo.

As instalacións novas reciben a base actual. As existentes executan só as migracións que aínda non teñen rexistradas, mantendo separada a configuración controlada polo proxecto dos cambios persoais.

01

Escolle o modo

Escritorio ou servidor. A elección gárdase e as seguintes execucións respéctana.

02

Instala o núcleo

Gallaecia prepara só a base común e os compoñentes obrigatorios do modo escollido.

03

Escolle ferramentas

Seleccionas aplicacións por categorías e, cando corresponde, cal será a predeterminada.

04

Actualiza por migracións

As instalacións existentes aplican unicamente os cambios pendentes, por orde e sen repetir o xa feito.

Galego primeiro

O sistema tamén pode falar coma nós.

O instalador, as configuracións propias e o escritorio usan o galego como lingua principal. Cando unha aplicación non o ofrece, o sistema proba co español e despois co inglés.

Galego Español English
Escritorio de Gallaecia Dots co tema escuro

Galería

Claro, escuro e o que pida o fondo.

Noctalia mantén unha paleta coherente no escritorio e rexenéraa cando cambia o tema.

Escritorio de Gallaecia Dots co tema claro
Aplicacións de Gallaecia Dots co tema escuro
Escritorio de Gallaecia Dots cun tema vermello adaptado ao fondo de pantalla

Contacto

Falamos do teu próximo proxecto?

Tes unha idea, unha web que pide unha reforma ou un ordenador que só funciona cando chega o técnico? Cóntamo. Direiche con claridade que se pode facer, canto sentido ten e cal sería o seguinte paso.

Agora mesmo

Dispoñible para proxectos seleccionados, colaboracións e consultas técnicas.

Resposta habitual
1–2 días laborables
Localización
Salvaterra de Miño, Galicia