Servizo Soporte informático Dispoñible

Mantemento informático

Manteño equipos, software, redes e copias baixo control para reducir incidencias e responder con contexto cando aparece unha.

Mantemento informático para autónomos, oficinas e pequenas empresas en Salvaterra de Miño e o sur de Galicia, con soporte remoto e visitas acordadas.

Baixo control

Previr, documentar e responder con contexto.

O alcance adáptase ao número de equipos e ao risco real. Non se trata de tocar todo cada mes, senón de revisar o que importa coa frecuencia adecuada.

01
Equipos e prioridades

Inventario básico, estado, antigüidade, garantía e incidencias coñecidas para decidir que convén manter, mellorar ou substituír.

02
Sistemas, usuarios e software

Actualizacións, contas, permisos, licenzas e configuración habitual para evitar equipos distintos resoltos cada un dunha maneira misteriosa.

03
Copias comprobadas

Revisión da estratexia de copia, alertas e probas de recuperación. Unha copia que nunca se comprobou é máis unha esperanza ca un plan.

04
Incidencias e novos postos

Soporte remoto, visitas acordadas, seguimento de problemas e preparación de equipos para que unha alta ou un cambio non comece improvisando.

Modalidades

Continuidade sen pagar unha garda que non necesitas.

A modalidade depende do número de equipos, da frecuencia das incidencias e do impacto que ten unha parada. Horarios, prioridade e tarefas quedan definidos antes de empezar.

01 / Periódico

Seguimento planificado

Para empresas que necesitan revisións recorrentes, prioridades claras e unha persoa que manteña o contexto dos seus sistemas.

  • Revisións cunha frecuencia acordada segundo o risco.
  • Prioridade e tempos de resposta definidos no servizo.
  • Seguimento de incidencias, cambios e tarefas pendentes.

02 / Flexible

Bolsa de horas ou revisións

Para negocios con necesidades menos frecuentes que queren reservar atención sen contratar unha cobertura mensual ampla.

  • Horas destinadas a soporte, configuración ou revisións.
  • Consumo e tarefas rexistrados con claridade.
  • Renovación segundo uso real, sen permanencia inventada.

Como traballo

Primeiro ordenar. Despois manter.

Non se pode manter o que non se coñece. O servizo comeza cunha fotografía básica do estado e evoluciona segundo prioridades, non cunha lista xenérica aplicada igual a todos.

  1. 01

    Revisar o punto de partida

    Identifico equipos, usuarios, software, rede, copias e problemas recorrentes para saber que hai e en que estado se atopa.

  2. 02

    Ordenar as prioridades

    Separo riscos urxentes, melloras recomendables e tarefas que poden esperar para non converter todo nunha falsa emerxencia.

  3. 03

    Aplicar e documentar

    Executo as tarefas acordadas e deixo rexistro das configuracións e cambios que serán útiles na seguinte revisión ou incidencia.

  4. 04

    Revisar e axustar

    Comprobo pendentes, incidencias e novas necesidades para adaptar a frecuencia e o alcance ao uso real da empresa.

Preguntas frecuentes

Dúbidas razoables antes de empezar.

O mantemento require unha cota mensual?

Pode ser unha cota, unha bolsa de horas ou revisións programadas. A modalidade depende do número de equipos e da frecuencia real de soporte; non ten sentido pagar unha garda que non necesitas.

Atendes urxencias?

Si. Atendo urxencias xerais tanto de clientes puntuais como de clientes con mantemento. Os clientes cun contrato de mantemento teñen prioridade segundo as condicións acordadas. Os horarios e tempos de resposta confírmanse en cada caso; non ofrezo unha cobertura 24/7 que non existe.

Tamén mantés webs e tendas en liña?

Si, pero sepároo do mantemento dos equipos porque as tarefas e riscos son distintos. Podemos combinar ambos servizos nunha proposta clara para non mesturar todo nunha liña misteriosa da factura.

Que determina o prezo do mantemento?

O número e tipo de equipos, as localizacións, a frecuencia das revisións, o horario de soporte e as tarefas incluídas. Primeiro reviso o contorno e preparo unha proposta cun alcance concreto.

As copias de seguridade garanten que non se perderán datos?

Ningún sistema elimina todo o risco. Unha boa estratexia combina varias copias, alertas e probas periódicas de recuperación para detectar fallos antes de necesitar os datos de verdade.

O soporte pode ser remoto e presencial?

Si. Resolvo en remoto o que non require presenza física e acordo visitas para hardware, rede ou revisións. A atención presencial cobre Salvaterra de Miño, Salceda, Vigo, O Porriño, Tui, Ponteareas e arredores.

Contacto

Falamos do teu próximo proxecto?

Tes unha idea, unha web que pide unha reforma ou un ordenador que só funciona cando chega o técnico? Cóntamo. Direiche con claridade que se pode facer, canto sentido ten e cal sería o seguinte paso.

Agora mesmo

Dispoñible para proxectos seleccionados, colaboracións e consultas técnicas.

Resposta habitual
1–2 días laborables
Localización
Salvaterra de Miño, Galicia